Saddhamma Study Group
  • A Saddhamma Study Group translation from the Pāḷi text (coming sooner or later).

57. Udāna 6.7: The Discourse about Subhūti

1 Evaṃ me sutaṃ—​   ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā subhūti bhagavato avidūre nisinno hoti pallankaṃ ābhujitvā ujuṃ kāyaṃ paṇidhāya avitakkaṃ samādhiṃ samāpajjitvā.

2 Addasā kho bhagavā āyasmantaṃ subhūtiṃ avidūre nisinnaṃ pallankaṃ ābhujitvā ujuṃ kāyaṃ paṇidhāya avitakkaṃ samādhiṃ samāpannaṃ.

3 Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi: 

4 "Yassa vitakkā vidhūpitā,
Ajjhattaṃ suvikappitā asesā;
Taṃ sangamaticca arūpasaññī,
Catuyogātigato na jātu metī"ti.

Sattamaṃ.