Sundarasamuddattheragāthā

459 "Alankatā suvasanā,
Alattakakatāpādā,
pādukāruyha vesikā.

460 Pādukā oruhitvāna,
purato pañjalīkatā;
Sā maṃ saṇhena mudunā,

461 Yuvāsi tvaṃ pabbajito,
tiṭṭhāhi mama sāsane;
Bhuñja mānusake kāme,
ahaṃ vittaṃ dadāmi te;
Saccaṃ te paṭijānāmi,
aggiṃ vā te harāmahaṃ.

462 Yadā jiṇṇā bhavissāma,
ubho daṇḍaparāyanā;
Ubhopi pabbajissāma,
ubhayattha kaṭaggaho.

463 Tañca disvāna yācantiṃ,
vesikaṃ pañjalīkataṃ;
Alankataṃ suvasanaṃ,
maccupāsaṃva oḍḍitaṃ.

464 Tato me manasīkāro,
… pe …
nibbidā samatiṭṭhatha.

465 Tato cittaṃ vimucci me,
… pe …
kataṃ buddhassa sāsanan"ti.

Lakuṇḍakabhaddiyatheragāthā

466 "Pare ambāṭakārāme,
vanasaṇḍamhi bhaddiyo;
Samūlaṃ taṇhamabbuyha,
tattha

467 Ramanteke vīṇāhi paṇavehi ca;
Ahañca rukkhamūlasmiṃ,
rato buddhassa sāsane.

468 so ca labbhetha me varo;
Gaṇhehaṃ sabbalokassa,
niccaṃ kāyagataṃ satiṃ.

469 Ye maṃ rūpena pāmiṃsu,
ye ca ghosena anvagū;
Chandarāgavasūpetā,
na maṃ jānanti te janā.

470 Ajjhattañca na jānāti,
bahiddhā ca na passati;
Samantāvaraṇo bālo,
sa ve ghosena vuyhati.

471 Ajjhattañca na jānāti,
bahiddhā ca vipassati;
Bahiddhā phaladassāvī,
sopi ghosena vuyhati.

472 Ajjhattañca pajānāti,
bahiddhā ca vipassati;
Anāvaraṇadassāvī,
na so ghosena vuyhatī"ti.

Bhaddattheragāthā

473 "Ekaputto ahaṃ āsiṃ,
piyo mātu piyo pitu;
Bahūhi vatacariyāhi,
laddho āyācanāhi ca.

474 Te ca maṃ anukampāya,
atthakāmā hitesino;
Ubho pitā ca mātā ca,
buddhassa upanāmayuṃ.

475 ‘Kicchā laddho ayaṃ putto,
sukhumālo sukhedhito;
Imaṃ dadāma te nātha,
jinassa paricārakaṃ’.

476 Satthā ca maṃ paṭiggayha,
ānandaṃ etadabravi;
‘Pabbājehi imaṃ khippaṃ,
hessatyājāniyo ayaṃ’.

477 Pabbājetvāna maṃ satthā,
vihāraṃ pāvisī jino;
Anoggatasmiṃ sūriyasmiṃ,
tato cittaṃ vimucci me.

478 Tato satthā nirākatvā,
paṭisallānavuṭṭhito;
‘Ehi bhaddā’ti maṃ āha,
sā me āsūpasampadā.

479 Jātiyā sattavassena,
laddhā me upasampadā;
Tisso vijjā anuppattā,
aho dhammasudhammatā"ti.

Sopākattheragāthā

480 "Disvā pāsādachāyāyaṃ,
cankamantaṃ naruttamaṃ;
Tattha naṃ upasankamma,

481 Ekaṃsaṃ cīvaraṃ katvā,
saṃharitvāna pāṇayo;
sabbasattānamuttamaṃ.

482 Tato pañhe apucchi maṃ,
pañhānaṃ kovido vidū;
Acchambhī ca abhīto ca,
byākāsiṃ satthuno ahaṃ.

483 Vissajjitesu pañhesu,
anumodi tathāgato;
Bhikkhusaṃghaṃ viloketvā,
imamatthaṃ abhāsatha.

484 ‘Lābhā Yesāyaṃ paribhuñjati;
Cīvaraṃ piṇḍapātañca,
Paccayaṃ sayanāsanaṃ;
Paccuṭṭhānañca sāmīciṃ,
Tesaṃ lābhāti cābravi.

485 Ajjatagge maṃ sopāka,
dassanāyopasankama;
Esā ceva te sopāka,
bhavatu upasampadā’.

486 Jātiyā sattavassohaṃ,
laddhāna upasampadaṃ;
Dhāremi antimaṃ dehaṃ,
aho dhammasudhammatā"ti.

Sarabhangattheragāthā

487 "Sare hatthehi bhañjitvā,
katvāna kuṭimacchisaṃ;
Tena me sarabhangoti,
nāmaṃ sammutiyā ahu.

488 Na mayhaṃ kappate ajja,
sare hatthehi bhañjituṃ;
Sikkhāpadā no paññattā,
gotamena yasassinā.

489 Sakalaṃ samattaṃ rogaṃ,
Sarabhango nāddasaṃ pubbe;
Soyaṃ rogo diṭṭho,
Vacanakarenātidevassa.

490 Yeneva maggena gato vipassī,
Yeneva maggena sikhī ca vessabhū;
Kakusandhakoṇāgamano ca kassapo,
Tenañjasena agamāsi gotamo.

491 Vītataṇhā anādānā,
satta buddhā khayogadhā;
Yehāyaṃ desito dhammo,
dhammabhūtehi tādibhi.

492 Cattāri ariyasaccāni,
anukampāya pāṇinaṃ;
Dukkhaṃ samudayo maggo,
nirodho dukkhasankhayo.

493 saṃsārasmiṃ anantakaṃ;
Bhedā imassa kāyassa,
jīvitassa ca sankhayā;
Añño punabbhavo natthi,
suvimuttomhi sabbadhī"ti.