Angaṇikabhāradvājatheragāthā

219 "Ayoni suddhimanvesaṃ,
aggiṃ paricariṃ vane;
Suddhimaggaṃ ajānanto,

220 Taṃ sukhena sukhaṃ laddhaṃ,
passa dhammasudhammataṃ;
Tisso vijjā anuppattā,
kataṃ buddhassa sāsanaṃ.

221 Brahmabandhu pure āsiṃ,
idāni khomhi brāhmaṇo;
Tevijjo sottiyo camhi vedagū"ti.

Paccayattheragāthā

222 "Pañcāhāhaṃ pabbajito,
sekho appattamānaso;
Vihāraṃ me paviṭṭhassa,
cetaso paṇidhī ahu.

223 Nāsissaṃ na pivissāmi,
Napi passaṃ nipātessaṃ,
taṇhāsalle anūhate.

224 Tassa mevaṃ viharato,
passa vīriyaparakkamaṃ;
Tisso vijjā anuppattā,
kataṃ buddhassa sāsanan"ti.

Bākulatheragāthā

225 "Yo pubbe karaṇīyāni,
pacchā so kātumicchati;
Sukhā so dhaṃsate ṭhānā,
pacchā ca manutappati.

226 Yañhi kayirā tañhi vade,
yaṃ na kayirā na taṃ vade;
Akarontaṃ bhāsamānaṃ,
parijānanti paṇḍitā.

227 Susukhaṃ vata nibbānaṃ,
sammāsambuddhadesitaṃ;
Asokaṃ virajaṃ khemaṃ,
yattha dukkhaṃ nirujjhatī"ti.

Dhaniyattheragāthā

228 "Sukhañce jīvituṃ icche,
sāmaññasmiṃ apekkhavā;
Saṃghikaṃ nātimaññeyya,
cīvaraṃ pānabhojanaṃ.

229 Sukhañce jīvituṃ icche,
sāmaññasmiṃ apekkhavā;
Ahi mūsikasobbhaṃva,
sevetha sayanāsanaṃ.

230 Sukhañce jīvituṃ icche,
sāmaññasmiṃ apekkhavā;
Itarītarena tusseyya,
ekadhammañca bhāvaye"ti.

Mātangaputtattheragāthā

231 "Atisītaṃ atiuṇhaṃ,
atisāyamidaṃ ahu;
Iti vissaṭṭhakammante,
khaṇā accenti māṇave.

232 Yo ca sītañca uṇhañca,
tiṇā bhiyyo na maññati;
Karaṃ purisakiccāni,
so sukhā na vihāyati.

233 Dabbaṃ kusaṃ poṭakilaṃ,
usīraṃ muñjapabbajaṃ;
Urasā vivekamanubrūhayan"ti.

Khujjasobhitattheragāthā

234 "Ye cittakathī bahussutā,
Samaṇā pāṭaliputtavāsino;
Tesaññataroyamāyuvā,
Dvāre tiṭṭhati khujjasobhito".

235 "Ye cittakathī bahussutā,
Samaṇā pāṭaliputtavāsino;
Tesaññataroyamāyuvā,
Dvāre tiṭṭhati māluterito".

236 "Suyuddhena suyiṭṭhena,
sangāmavijayena ca;
Brahmacariyānuciṇṇena,
evāyaṃ sukhamedhatī"ti.

Vāraṇattheragāthā

237 "Yodha koci manussesu,
parapāṇāni hiṃsati;
Asmā lokā paramhā ca,
ubhayā dhaṃsate naro.

238 Yo ca mettena cittena,
sabbapāṇānukampati;
Bahuñhi so pasavati,
puññaṃ tādisako naro.

239 Subhāsitassa sikkhetha,
Ekāsanassa ca raho,
cittavūpasamassa cā"ti.

Vassikatheragāthā

240 "Ekopi saddho medhāvī,
assaddhānīdha ñātinaṃ;
Dhammaṭṭho sīlasampanno,
hoti atthāya bandhunaṃ.

241 Niggayha anukampāya,
coditā ñātayo mayā;
Ñātibandhavapemena,
kāraṃ katvāna bhikkhusu.

242 Te abbhatītā kālankatā,
pattā te tidivaṃ sukhaṃ;
Bhātaro mayhaṃ mātā ca,
modanti kāmakāmino"ti.

Yasojattheragāthā

243 "Kālapabbangasankāso,
kiso Mattaññū annapānamhi,
adīnamānaso naro".

244 "Phuṭṭho ḍaṃsehi makasehi,
araññasmiṃ brahāvane;
Nāgo sangāmasīseva,
sato tatrādhivāsaye.

245 Yathā brahmā tathā eko,
yathā devo tathā duve;
Yathā gāmo tathā tayo,
kolāhalaṃ tatuttarin"ti.

Sāṭimattiyattheragāthā

246 "Ahu tuyhaṃ pure saddhā,
sā te ajja na vijjati;
Yaṃ tuyhaṃ tuyhamevetaṃ,
natthi duccaritaṃ mama.

247 Aniccā hi calā saddhā,
evaṃ diṭṭhā hi sā mayā;
Rajjantipi virajjanti,
tattha kiṃ jiyyate muni.

248 Paccati munino bhattaṃ,
Thokaṃ thokaṃ kule kule;
Piṇḍikāya carissāmi,
Atthi

Upālittheragāthā

249 "Saddhāya abhinikkhamma,
navapabbajito navo;
Mitte bhajeyya kalyāṇe,
suddhājīve atandite.

250 Saddhāya abhinikkhamma,
navapabbajito navo;
Saṃghasmiṃ viharaṃ bhikkhu,
sikkhetha vinayaṃ budho.

251 Saddhāya abhinikkhamma,
navapabbajito navo;
Kappākappesu kusalo,
careyya apurakkhato"ti.

Uttarapālattheragāthā

252 "Paṇḍitaṃ vata maṃ santaṃ,
alamatthavicintakaṃ;
Pañca kāmaguṇā loke,
sammohā pātayiṃsu maṃ.

253 Pakkhando māravisaye,
daḷhasallasamappito;
Asakkhiṃ maccurājassa,
ahaṃ pāsā pamuccituṃ.

254 Sabbe kāmā pahīnā me,
bhavā sabbe Vikkhīṇo jātisaṃsāro,
natthi dāni punabbhavo"ti.

Abhibhūtattheragāthā

255 "Suṇātha ñātayo sabbe,
yāvantettha samāgatā;
Dhammaṃ vo desayissāmi,
dukkhā jāti punappunaṃ.

256 Yuñjatha buddhasāsane;
Dhunātha maccuno senaṃ,
Naḷāgāraṃva kuñjaro.

257 Yo imasmiṃ dhammavinaye,
appamatto Pahāya jātisaṃsāraṃ,
dukkhassantaṃ karissatī"ti.

Gotamattheragāthā

258 "Saṃsaraṃ hi nirayaṃ agacchissaṃ,
Petalokamagamaṃ punappunaṃ;
Dukkhamamhipi Nekadhā hi vusitaṃ ciraṃ mayā.

259 Mānusopi ca bhavobhirādhito,
Saggakāyamagamaṃ sakiṃ sakiṃ;
Rūpadhātusu arūpadhātusu,
Nevasaññisu asaññisuṭṭhitaṃ.

260 Sambhavā suviditā asārakā,
Sankhatā pacalitā saderitā;
Taṃ viditvā mahamattasambhavaṃ,
Santimeva satimā samajjhagan"ti.

Hāritattheragāthā

261 "Yo pubbe karaṇīyāni,
pacchā so kātumicchati;
Sukhā so dhaṃsate ṭhānā,
pacchā ca manutappati.

262 Yañhi kayirā tañhi vade,
yaṃ na kayirā na taṃ vade;
Akarontaṃ bhāsamānaṃ,
parijānanti paṇḍitā.

263 Susukhaṃ vata nibbānaṃ,
sammāsambuddhadesitaṃ;
Asokaṃ virajaṃ khemaṃ,
yattha dukkhaṃ nirujjhatī"ti.

Vimalattheragāthā

264 "Pāpamitte vivajjetvā,
bhajeyyuttamapuggalaṃ;
Ovāde cassa tiṭṭheyya,
patthento acalaṃ sukhaṃ.

265 Parittaṃ dārumāruyha,
yathā sīde mahaṇṇave;
Evaṃ kusītamāgamma,
sādhujīvīpi sīdati;
Tasmā taṃ parivajjeyya,
kusītaṃ hīnavīriyaṃ.

266 Pavivittehi ariyehi,
pahitattehi jhāyibhi;
Niccaṃ āraddhavīriyehi,
paṇḍitehi sahāvase"ti.