Soṇakoḷivisatheragāthā

632 "Yāhu raṭṭhe samukkaṭṭho,
rañño angassa Svajja dhammesu ukkaṭṭho,
soṇo dukkhassa pāragū.

633 Pañca chinde pañca jahe,
pañca cuttari bhāvaye;
Pañcasangātigo bhikkhu,
oghatiṇṇoti vuccati.

634 Unnaḷassa pamattassa,
Sīlaṃ samādhi paññā ca,
pāripūriṃ na gacchati.

635 Yañhi kiccaṃ akiccaṃ pana karīyati;
Unnaḷānaṃ pamattānaṃ,
tesaṃ vaḍḍhanti āsavā.

636 Yesañca susamāraddhā,
niccaṃ kāyagatā sati;
Akiccaṃ te na sevanti,
kicce sātaccakārino;
Satānaṃ sampajānānaṃ,
atthaṃ gacchanti āsavā.

637 Ujumaggamhi akkhāte,
gacchatha mā nivattatha;
Attanā codayattānaṃ,
nibbānamabhihāraye.

638 Accāraddhamhi vīriyamhi,
satthā loke anuttaro;
Vīṇopamaṃ karitvā me,
dhammaṃ desesi cakkhumā;
Tassāhaṃ vacanaṃ sutvā,
vihāsiṃ sāsane rato.

639 Samathaṃ paṭipādesiṃ,
uttamatthassa pattiyā;
Tisso vijjā anuppattā,
kataṃ buddhassa sāsanaṃ.

640 pavivekañca cetaso;
upādānakkhayassa ca.

641 Taṇhakkhayādhimuttassa,
asammohañca cetaso;
Disvā āyatanuppādaṃ,
sammā cittaṃ vimuccati.

642 Tassa sammā vimuttassa,
santacittassa bhikkhuno;
Katassa paṭicayo natthi,
karaṇīyaṃ na vijjati.

643 Selo yathā vātena na samīrati;
Evaṃ rūpā rasā saddā,
gandhā phassā ca kevalā.

644 Iṭṭhā dhammā aniṭṭhā ca,
nappavedhenti tādino;
Ṭhitaṃ cittaṃ visaññuttaṃ,
vayañcassānupassatī"ti.