Sutta Nipata Chapter 5: The Chapter of the Way to Beyond - Parayanavagga
- A Saddhamma Study Group translation from the Pāḷi text (coming sooner or later).
Pingiyamāṇavapucchā
(iccāyasmā pingiyo):1120 "Jiṇṇohamasmi abalo vītavaṇṇo,
Nettā na suddhā savanaṃ na phāsu;
Māhaṃ nassaṃ momuho antarāva,
Ācikkha dhammaṃ yamahaṃ vijaññaṃ;
Jātijarāya idha vippahānaṃ".(pingiyāti bhagavā):
1121 "Disvāna rūpesu vihaññamāne,
Ruppanti rūpesu janā pamattā;
Tasmā tuvaṃ pingiya appamatto,
Jahassu rūpaṃ apunabbhavāya".1122 "Disā catasso vidisā catasso,
Uddhaṃ adho dasa disā imāyo;
Na tuyhaṃ adiṭṭhaṃ asutaṃ amutaṃ,
Atho aviññātaṃ kiñcanamatthi loke;
Ācikkha dhammaṃ yamahaṃ vijaññaṃ,
Jātijarāya idha vippahānaṃ".(pingiyāti bhagavā):
1123 "Taṇhādhipanne manuje pekkhamāno,
Santāpajāte jarasā parete;
Tasmā tuvaṃ pingiya appamatto,
Jahassu taṇhaṃ apunabbhavāyā"ti.
Pingiyamāṇavapucchā soḷasamā.