Sutta Nipata Chapter 5: The Chapter of the Way to Beyond - Parayanavagga
- A Saddhamma Study Group translation from the Pāḷi text (coming sooner or later).
Posālamāṇavapucchā
(iccāyasmā posālo):1112 "Yo atītaṃ ādisati,
Anejo chinnasaṃsayo;
Pāraguṃ sabbadhammānaṃ,
Atthi pañhena āgamaṃ.1113 Vibhūtarūpasaññissa,
sabbakāyappahāyino;
Ajjhattañca bahiddhā ca,
natthi kiñcīti passato;
Ñāṇaṃ sakkānupucchāmi,
kathaṃ neyyo tathāvidho".(posālāti bhagavā):
1114 "Viññāṇaṭṭhitiyo sabbā,
Abhijānaṃ tathāgato;
Tiṭṭhantamenaṃ jānāti,
Vimuttaṃ tapparāyaṇaṃ.1115 Ākiñcaññasambhavaṃ ñatvā,
Nandī saṃyojanaṃ iti;
Evametaṃ abhiññāya,
Tato tattha vipassati;
Etaṃ ñāṇaṃ tathaṃ tassa,
Brāhmaṇassa vusīmato"ti.
Posālamāṇavapucchā cuddasamā.