Sutta Nipata Chapter 5: The Chapter of the Way to Beyond - Parayanavagga
- A Saddhamma Study Group translation from the Pāḷi text (coming sooner or later).
Udayamāṇavapucchā
(iccāyasmā udayo):1105 "Jhāyiṃ virajamāsīnaṃ,
Katakiccaṃ anāsavaṃ;
Pāraguṃ sabbadhammānaṃ,
Atthi pañhena āgamaṃ;
Aññāvimokkhaṃ pabrūhi,
Avijjāya pabhedanaṃ".(udayāti bhagavā):
1106 "Pahānaṃ kāmacchandānaṃ,
Domanassāna cūbhayaṃ;
Thinassa ca panūdanaṃ,
Kukkuccānaṃ nivāraṇaṃ.1107 Upekkhāsatisaṃsuddhaṃ,
dhammatakkapurejavaṃ;
Aññāvimokkhaṃ pabrūmi,
avijjāya pabhedanaṃ".1108 "Kiṃsu saṃyojano loko,
kiṃsu tassa vicāraṇaṃ;
Kissassa vippahānena,
nibbānaṃ iti vuccati".1109 "Nandisaṃyojano loko,
vitakkassa vicāraṇaṃ;
Taṇhāya vippahānena,
nibbānaṃ iti vuccati".1110 "Kathaṃ satassa carato,
viññāṇaṃ uparujjhati;
Bhagavantaṃ puṭṭhumāgamma,
taṃ suṇoma vaco tava".1111 "Ajjhattañca bahiddhā ca,
Vedanaṃ nābhinandato;
Evaṃ satassa carato,
Viññāṇaṃ uparujjhatī"ti.
Udayamāṇavapucchā terasamā.