Saddhamma Study Group

Saṃyutta Nikāya - The Connected Discourses

Connected Discourses on the Path: SN45:153 The Pot

  • A Saddhamma Study Group translation from the Pāḷi text (coming sooner or later).

    For more copyright information please see:

1 "Seyyathāpi, bhikkhave, kumbho nikkujjo vamateva udakaṃ, no paccāvamati; evameva kho, bhikkhave, bhikkhu ariyaṃ aṭṭhangikaṃ maggaṃ bhāvento ariyaṃ aṭṭhangikaṃ maggaṃ bahulīkaronto vamateva pāpake akusale dhamme, no paccāvamati. Kathañca, bhikkhave, bhikkhu ariyaṃ aṭṭhangikaṃ maggaṃ bhāvento ariyaṃ aṭṭhangikaṃ maggaṃ bahulīkaronto vamateva pāpake akusale dhamme, no paccāvamati? Idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ … pe … sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ … evaṃ kho, bhikkhave, bhikkhu ariyaṃ aṭṭhangikaṃ maggaṃ bhāvento ariyaṃ aṭṭhangikaṃ maggaṃ bahulīkaronto vamateva pāpake akusale dhamme, no paccāvamatī"ti.

Pañcamaṃ.