Saddhamma Study Group

Saṃyutta Nikāya - The Connected Discourses

Connected Discourses on the Path: SN45:152 The Tree

  • A Saddhamma Study Group translation from the Pāḷi text (coming sooner or later).

    For more copyright information please see:

1 "Seyyathāpi, bhikkhave, rukkho pācīnaninno pācīnapoṇo pācīnapabbhāro. So mūlacchinno katamena papateyyā"ti? "Yena, bhante, ninno yena poṇo yena pabbhāro"ti. "Evameva kho, bhikkhave, bhikkhu ariyaṃ aṭṭhangikaṃ maggaṃ bhāvento ariyaṃ aṭṭhangikaṃ maggaṃ bahulīkaronto nibbānaninno hoti nibbānapoṇo nibbānapabbhāro. Kathañca, bhikkhave, bhikkhu ariyaṃ aṭṭhangikaṃ maggaṃ bhāvento ariyaṃ aṭṭhangikaṃ maggaṃ bahulīkaronto nibbānaninno hoti nibbānapoṇo nibbānapabbhāro? Idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ … pe … sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ … evaṃ kho, bhikkhave, bhikkhu ariyaṃ aṭṭhangikaṃ maggaṃ bhāvento ariyaṃ aṭṭhangikaṃ maggaṃ bahulīkaronto nibbānaninno hoti nibbānapoṇo nibbānapabbhāro"ti.

Catutthaṃ.