Saddhamma Study Group

Saṃyutta Nikāya - The Connected Discourses

Connected Discourses with Sakka: SN11:6 The Bird Nests

  • A Saddhamma Study Group translation from the Pāḷi text (coming sooner or later).

    For more copyright information please see:

1 Sāvatthiyaṃ. "Bhūtapubbaṃ, bhikkhave, devāsurasangāmo samupabyūḷho ahosi. Tasmiṃ kho pana, bhikkhave, sangāme asurā jiniṃsu, devā parājiniṃsu. Parājitā ca kho, bhikkhave, devā apāyaṃsveva uttarenamukhā, abhiyaṃsveva ne asurā. Atha kho, bhikkhave, sakko devānamindo mātali sangāhakaṃ gāthāya ajjhabhāsi: 

2 ‘Kulāvakā mātali simbalismiṃ,
Īsāmukhena parivajjayassu;
Kāmaṃ cajāma asuresu pāṇaṃ,
Māyime dijā vikulāvakā ahesun’ti.

3 ‘Evaṃ, bhaddantavā’ti kho, bhikkhave, mātali sangāhako sakkassa devānamindassa paṭissutvā sahassayuttaṃ ājaññarathaṃ paccudāvattesi. Atha kho, bhikkhave, asurānaṃ etadahosi:  ‘paccudāvatto kho dāni sakkassa devānamindassa sahassayutto ājaññaratho. Dutiyampi kho devā asurehi sangāmessantī’ti bhītā asurapurameva pāvisiṃsu. Iti kho, bhikkhave, sakkassa devānamindassa dhammena jayo ahosī"ti.