Saddhamma Study Group

Saṃyutta Nikāya - The Connected Discourses

Connected Discourses with Yakkhas: SN10:6 Piyankara

  • A Saddhamma Study Group translation from the Pāḷi text (coming sooner or later).

    For more copyright information please see:

1 Ekaṃ samayaṃ āyasmā anuruddho sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā anuruddho rattiyā paccūsasamayaṃ paccuṭṭhāya dhammapadāni bhāsati. Atha kho piyankaramātā yakkhinī puttakaṃ evaṃ tosesi: 

2 "Mā saddaṃ kari piyankara,
Bhikkhu dhammapadāni bhāsati;
Api ca dhammapadaṃ vijāniya,
Paṭipajjema hitāya no siyā.

3 Pāṇesu ca saṃyamāmase,
Sampajānamusā na bhaṇāmase;
Sikkhema susīlyamattano,
Api muccema pisācayoniyā"ti.