Vinaya Pitaka - Monastic Rules

Bhikkhu Vibhanga - Sanghādisesa 13: Criticising a Sangha Decision of Banishment for Corrupting Lay People

  • Translated from the Pali by Bhikkhu Brahmali.

Monksʼ Suspension 13: Corrupters of Families

Origin story

1Bu-Ss.13.1.1">At one time the Buddha, the Master, was staying at Sāvatthī in the Jeta Grove, Anāthapiṇḍikaʼs Park. At that time some bad and shameless monks who were followers of Assaji and Punabbasu were staying at Kīṭāgiri. They engaged in these kinds of improper behaviour:

They planted flowering trees, and then watered them and plucked them. They tied the flowers into garlands, both garlands with stalks on one side and garlands with stalks on both sides. They made flower arrangements, wreaths, ornaments for the head, ornaments for the ears and ornaments for the chest. And they had others do the same. They then took these things, or sent them, to the women, the daughters, the girls, the daughter-in-laws and the female slaves of good families.

They ate from the same dish as these women and drank from the same vessels. They sat on the same seats as them and lay down on the same beds, the same mats, the same blankets, the same mats and blankets. They ate at the wrong time, drank alcohol, and used garlands, perfumes and cosmetics. They danced, sang, played instruments, and performed. While the women were dancing, singing, playing instruments, and performing, so would they.

Bu-Ss.13.1.2">They played various games: board games with eight or ten rows, imaginary board games, hopscotch, spillikins, dice games, tip-cat, painting-with-the-hand games, ball games, toy pipe games, toy plough games, turning somersaults, toy windmill games, toy measure games, toy chariot games, toy bow games, letter-guessing games, thought-guessing games, games of mimicking deformities.

They trained in elephant riding, in horsemanship, in carriage riding, in archery, in swordsmanship. And they ran in front of elephants, in front of horses, in front of carriages, and they ran backwards and forwards. They whistled, clapped their hands, wrestled, and boxed. They spread an outer robe on a stage and said to the dancing girls, "Dance here, sister," and they made gestures of approval. And they engaged in many forms of improper behaviour.

2Bu-Ss.13.1.3">At that time a certain monk who had spent the rains in Kāsī was travelling to see the Master in Sāvatthī when he arrived at Kīṭāgiri. Then, after dressing in the morning, he took his bowl and robe and entered Kīṭāgiri to collect almsfood. He was pleasing in the way he entered and returned, in looking towards and in looking away, in stretching out (his bowl) and in drawing (it) back, his eyes lowered, perfect in his deportment. When people saw him, they said: "Who is this, acting like a fool, like a dullard, continuously frowning? Who will give almsfood to him when he approaches? Almsfood should instead be given to the Venerables who are followers of Assaji and Punabbasu, for they are gentle, congenial, pleasant to speak with, greeting one with a smile, welcoming, friendly, open, the first to speak."

3A certain lay follower saw that monk walking for almsfood in Kīṭāgiri. He approached him, paid homage to him, and said: "Bhante, have you received any almsfood?"

"No, I havenʼt."

"Come, letʼs go to my house."

Bu-Ss.13.1.4">He took that monk to his house and fed him. He then said: "Where are you going, bhante?"

"I am going to Sāvatthī to see the Master."

"Well then, bhante, would you please bow down at the feet of the Master in my name and say: ʻBhante, the monastery in Kīṭāgiri has been corrupted. Bad and shameless monks who are followers of Assaji and Punabbasu are staying there. They engage in the these kinds of improper behaviour: They plant flowering trees … And they engage in many forms of improper behaviour. Those people who previously had faith and confidence have now lost it, and there is no longer any support for the Sangha. The good monks have left and the bad monks are staying on. Master, please send monks to stay at the monastery in Kīṭāgiri.ʼ"


4Bu-Ss.13.1.5"> The monk replied, "Yes," and he left for Sāvatthī. He walked to Sāvatthī by stages, and then went to the Master in the Jeta Grove, Anāthapiṇḍikaʼs Park. He paid homage to the Master and sat down to one side. It is the custom for Buddhas, for Masters, to greet visiting monks, and so the Master said to him: "I hope you are keeping well, monk, I hope you are comfortable; I hope you are not tired from travelling. Where have you come from?" "I am keeping well, Master, I am comfortable; I am not tired from travelling." And he then told the Master all that had happened at Kīṭāgiri, and finished by saying, "Master, that is where I have come from."


5Bu-Ss.13.1.6">The Master then convened the Sangha and questioned them: "Is it true, monks, that some bad and shameless monks staying at Kīṭāgiri, who are followers of Assaji and Punabbasu, are engaging in such kinds of improper behaviour? And is it true that those people who previously had faith and confidence have now lost it, that there is no longer any support for the Sangha, and that the good monks have left and the bad monks are staying on?"

"Itʼs true, Master."

The Buddha, the Master, criticised them … "Monks, how can these foolish men engage in such kinds of improper behaviour? This will not give rise to confidence in those without it … " … He spoke on the Dhamma and then addressed Sāriputta and Moggallāna: "Sāriputta, the two of you should go to Kīṭāgiri and do an act to banish the monks who are followers of Assaji and Punabbasu from Kīṭāgiri. They are your disciples."


6"Bhante, how can we do an act to banish these monks from Kīṭāgiri? They are fierce and harsh."

"Well, Sāriputta, go together with many other monks."

"Yes, bhante."

Bu-Ss.13.1.7">"And, monks, this is how it should be done. First you should rebuke the monks who are followers of Assaji and Punabbasu. They should then confess, and then they should be charged with an offence. Then an experienced and competent monk should inform the Sangha:

7ʻBhante, let the Sangha listen to me. These monks who are followers of Assaji and Punabbasu are corrupters of families and badly behaved. Their bad behaviour is seen and heard about, and the families corrupted by them are seen and heard about. If it seems appropriate to the Sangha, the Sangha should do an act to banish these monks from Kīṭāgiri. This is the motion.

8ʻBhante, let the Sangha listen to me. These monks who are followers of Assaji and Punabbasu are corrupters of families and badly behaved. Their bad behaviour is seen and heard about, and the families corrupted by them are seen and heard about. The Sangha is doing an act to banish these monks from Kīṭāgiri. Any monk who agrees to doing an act to banish these monks from Kīṭāgiri, should remain silent. Any monk who does not agree should say so.

9ʻFor a second time … For a third time I speak on this matter. Bhante, let the Sangha listen to me. These monks who are followers of Assaji and Punabbasu are corrupters of families and badly behaved. Their bad behaviour is seen and heard about, and the families corrupted by them are seen and heard about. The Sangha is doing an act to banish these monks from Kīṭāgiri. Any monk who agrees to doing an act to banish these monks from Kīṭāgiri, should remain silent. Any monk who does not agree should say so.


10ʻThe act to banish the monks who are followers of Assaji and Punabbasu from Kīṭāgiri has been performed. The Sangha approves and is therefore silent. I will remember it thus.ʼ"

11Bu-Ss.13.1.8">Then a Sangha of monks headed by Sāriputta and Moggallāna went to Kiṭāgiri and did an act to banish those monks from Kīṭāgiri. After the Sangha had performed the act to banish them, those monks did not act properly or suitably so as to deserve to be absolved, nor did they ask the monks for forgiveness. Instead they abused and reviled them, and they defamed them as acting from desire, anger, confusion, and fear. And they left and they disrobed. The monks of few desires … complained and criticised them: "When the Sangha has performed an act to banish them, how can these monks act in this way?"

12They informed the Master. … "Is it true, monks, that when the Sangha had performed an act to banish them, the monks who are followers of Assaji and Punabbasu did not act properly … and they disrobed?"

"Itʼs true, Master."

The Buddha, the Master, criticised them … "And, monks, this training rule should be recited thus:

Final ruling

13"If a monk who lives in dependence on a certain village or town is a corrupter of families and badly behaved, and his bad behaviour is seen and heard about, and the families corrupted by him are seen and heard about, then the monks should admonish him in this way: ʻVenerable, you are a corrupter of families and badly behaved. Your bad behaviour is seen and heard about, and the families corrupted by you are seen and heard about. Leave this monastery; you have stayed here long enough.ʼ If he replies, ʻYou are acting out of desire, anger, confusion, and fear; because of this sort of offence, you banish some, but not others,ʼ the monks should admonish him in this way: ʻVenerable, do not say that. The monks are not acting out of desire, anger, confusion, and fear. Venerable, you are a corrupter of families and badly behaved. Your bad behaviour is seen and heard about, and the families corrupted by you are seen and heard about. Venerable, leave this monastery; you have stayed here long enough.ʼ If that monk continues as before, he should be admonished up to three times to make him stop. If he stops, good. If not, he commits an offence entailing suspension."

Definitions

14Bu-Ss.13.2">A monk … a certain village or town: a village and a town and a city are (included in) just a village and a town.

15If (a monk) lives in dependence on: robes, almsfood, lodging requisites, and medicines can be obtained in that place.

16A family: there are four kinds of families: noble families, brahmin families, merchant families, low-caste families.

17A corrupter of families: he corrupts families by means of flowers, fruit, aromatic powder, clay, tooth-wood, bamboo, medical treatment, or by taking messages on foot.

18Badly behaved: he plants flowering trees and gets it done; he waters them and gets it done; he plucks them and gets it done; he ties (the flowers into garlands) and gets it done.

19Is seen and heard about: those who are present see it; those who are absent hear about it.


20The families corrupted by him: they have lost their faith because of him; they have lost their confidence because of him.

21Are seen and heard about: those who are present see it; those who are absent hear about it.

22Him: that monk who is a corrupter of families.

23The monks; Other monks, those who see it or hear about it. They should say: "Venerable, you are a corrupter of families and badly behaved. Your bad behaviour is seen and heard about, and the families corrupted by you are seen and heard about. Leave this monastery; you have stayed here long enough."

24If he replies, "You are acting out of desire, anger, confusion and fear; because of this sort of offence, you banish some, but not others."


25Him: that monk who is having an act done against him.

26The monks: Other monks, those who see it or hear about it.

27They should say: "Venerable, do not say that. The monks are not acting out of desire, anger, confusion, and fear. Venerable, you are a corrupter of families and badly behaved. Your bad behaviour is seen and heard about, and the families corrupted by you are seen and heard about. Venerable, leave this monastery; you have stayed here long enough." And they should say this a second and a third time. If he stops, good. If he does not stop, he commits an offence of bad conduct. If those who hear about it do not say anything, they commit an offence of bad conduct.

28That monk, even if he has to be dragged into the middle of the Sangha, should be to spoken to thus: "Venerable, do not say that. The monks are not acting out of desire, anger, confusion, and fear. Venerable, you are a corrupter of families and badly behaved. Your bad behaviour is seen and heard about, and the families corrupted by you are seen and heard about. Venerable, leave this monastery; you have stayed here long enough." And they should say this a second and a third time. If he stops, good. If he does not stop, he commits an offence of bad conduct.

He should be admonished:

29"And, monks, he should be admonished in this way. An experienced and competent monk should inform the Sangha:

30‘Bhante, let the Sangha listen to me. This monk so-and-so, who has had an act of banishment done against him, is defaming the monks as acting out of desire, anger, confusion, and fear. He is not stopping that action. If it seems appropriate to the Sangha, the Sangha should admonish him to make him stop. This is the motion.

31‘Bhante, let the Sangha listen to me. This monk so-and-so, who has had an act of banishment done against him, is defaming the monks as acting out of desire, anger, confusion, and fear. He is not stopping that action. The Sangha admonishes him to make him stop. Any monk who agrees to admonishing him to make him stop should remain silent. Any monk who does not agree should say so.


32‘For a second time … For a third time I speak on this matter: Bhante, let the Sangha listen to me. This monk so-and-so, who has had an act of banishment done against him, is defaming the monks as acting out of desire, anger, confusion, and fear. He is not stopping that action. The Sangha admonishes him to make him stop. Any monk who agrees to admonishing him to make him stop should remain silent. Any monk who does not agree should say so.


33‘This monk has been admonished by the Sangha to make him stop that action. The Sangha approves and is therefore silent. I will remember it thus.’"

34After the motion, he commits an offence of bad conduct. After two proclamations, he commits a serious offence. When the proclamation is finished, he commits an offence entailing suspension. For one who commits the offence entailing suspension, the offence of bad conduct and the serious offence are annulled.

35He commits an offence entailing suspension: only the Sangha gives probation for that offence, sends back to the beginning, places under deference, and rehabilitates—not several monks, not an individual. Therefore it is said that he commits an offence entailing suspension. This is the name and designation of this class of offence. Therefore, too, it is said that he commits an offence entailing suspension.

Permutations

36Bu-Ss.13.3.1">If it is a legitimate act of the Sangha, and he perceives it as legitimate, but he does not stop, he commits an offence entailing suspension.

37If it is a legitimate act of the Sangha, but he has doubts about it, and he does not stop, he commits an offence entailing suspension.

38If it is a legitimate act of the Sangha, but he perceives it as illegitimate, and he does not stop, he commits an offence entailing suspension.

39If it is an illegitimate act of the Sangha, but he perceives it as legitimate, he commits an offence of bad conduct.

40If it is an illegitimate act of the Sangha, but he has doubts about it, he commits an offence of bad conduct.

41If it is an illegitimate act of the Sangha, and he perceives it as illegitimate, he commits an offence of bad conduct.

Non-offences

42Bu-Ss.13.3.2">There is no offence: if he is not admonished; if he stops; if he is insane; if he is the first offender.

43The thirteenth training rule on corrupters of families is finished.

44"Venerables, the thirteen rules entailing suspension have been recited, nine being immediate offences, four after the third announcement. If a monk commits any one of them, he is to undergo probation for the same number of days as he knowingly concealed that offence. When this is completed, he must practice deference for a further six days. When this is completed, he is to be rehabilitated wherever there is a Sangha of at least twenty monks. If that monk is rehabilitated by a Sangha of even one less than twenty, that monk is not rehabilitated and those monks are at fault. This is proper procedure.

In regard to this I ask the Venerables: ʻAre you pure in this?ʼ A second time I ask: ʻAre you pure in this?ʼ A third time I ask: ʻAre you pure in this?ʼ You are pure in this and therefore silent. I will remember it thus."

45The group of thirteen is finished.


46This is the summary:

47Emission, physical contact,
Lewd, his own desire;
Acting as a go-between, a hut,
A dwelling, groundlessly.

48A pretext, schism,
Those who agree with him;
Difficult to admonish, corrupters of families;
The thirteen offences entailing suspension.

49The chapter on offences entailing suspension is finished.


1 tena samayena buddho bhagavā sāvatthiyaṃ viharati jetavane anāthapiṇḍikassa ārāme. tena kho pana samayena assajipunabbasukā nāma kīṭāgirismiṃ āvāsikā honti alajjino pāpabhikkhū. te evarūpaṃ anācāraṃ ācaranti—  mālāvacchaṃ ropentipi ropāpentipi, siñcantipi siñcāpentipi, ocinantipi ocināpentipi, ganthentipi ganthāpentipi, ekatovaṇṭikamālaṃ karontipi kārāpentipi, ubhatovaṇṭikamālaṃ karontipi kārāpentipi, mañjarikaṃ karontipi kārāpentipi, vidhūtikaṃ karontipi kārāpentipi, vaṭaṃsakaṃ karontipi kārāpentipi, āveḷaṃ karontipi kārāpentipi, uracchadaṃ karontipi kārāpentipi. te kulitthīnaṃ kuladhītānaṃ kulakumārīnaṃ kulasuṇhānaṃ kuladāsīnaṃ ekatovaṇṭikamālaṃ harantipi harāpentipi, ubhatovaṇṭikamālaṃ harantipi harāpentipi, mañjarikaṃ harantipi harāpentipi, vidhūtikaṃ harantipi harāpentipi, vaṭaṃsakaṃ harantipi harāpentipi, āveḷaṃ harantipi harāpentipi, uracchadaṃ harantipi harāpentipi. te kulitthīhi kuladhītāhi kulakumārīhi kulasuṇhāhi kuladāsīhi saddhiṃ ekabhājanepi bhuñjanti, ekathālakepi pivanti, ekāsanepi nisīdanti, ekamañcepi tuvaṭṭenti, ekattharaṇāpi tuvaṭṭenti, ekapāvuraṇāpi tuvaṭṭenti, ekattharaṇapāvuraṇāpi tuvaṭṭenti, vikālepi bhuñjanti, majjampi pivanti, mālāgandhavilepanampi dhārenti, naccantipi gāyantipi vādentipi lāsentipi, naccantiyāpi naccanti, naccantiyāpi gāyanti, naccantiyāpi vādenti, naccantiyāpi lāsenti, gāyantiyāpi naccanti, gāyantiyāpi gāyanti, gāyantiyāpi vādenti, gāyantiyāpi lāsenti, vādentiyāpi naccanti, vādentiyāpi gāyanti, vādentiyāpi vādenti, vādentiyāpi lāsenti, lāsentiyāpi naccanti, lāsentiyāpi gāyanti, lāsentiyāpi vādenti, lāsentiyāpi lāsenti; aṭṭhapadepi kīḷanti, dasapadepi kīḷanti, ākāsepi kīḷanti, parihārapathepi kīḷanti, santikāyapi kīḷanti, khalikāyapi kīḷanti, ghaṭikāyapi kīḷanti, salākahatthenapi kīḷanti, akkhenapi kīḷanti, pangacīrenapi kīḷanti, vankakenapi kīḷanti, mokkhacikāyapi kīḷanti, cingulakenapi kīḷanti, pattāḷhakenapi kīḷanti, rathakenapi kīḷanti, dhanukenapi kīḷanti, akkharikāyapi kīḷanti, manesikāyapi kīḷanti, yathāvajjenapi kīḷanti. hatthismimpi sikkhanti, assasmimpi sikkhanti, rathasmimpi sikkhanti, dhanusmimpi sikkhanti, tharusmimpi sikkhanti, hatthissapi purato dhāvanti, assassapi purato dhāvanti, rathassapi purato dhāvantipi ādhāvantipi, usseḷentipi, apphoṭentipi, nibbujjhantipi, muṭṭhīhipi yujjhanti, rangamajjhepi sanghāṭiṃ pattharitvā naccakiṃ evaṃ vadanti—  "idha, bhagini, naccassū"ti, nalāṭikampi denti, vividhampi anācāraṃ ācaranti.

2 tena kho pana samayena aññataro bhikkhu kāsīsu vassaṃvuṭṭho sāvatthiṃ gacchanto bhagavantaṃ dassanāya, yena kīṭāgiri tadavasari. atha kho so bhikkhu pubbaṇhasamayaṃ nivāsetvā pattacīvaramādāya kīṭāgiriṃ piṇḍāya pāvisi pāsādikena abhikkantena paṭikkantena ālokitena vilokitena samiñjitena pasāritena okkhittacakkhu iriyāpathasampanno. manussā taṃ bhikkhuṃ passitvā evamāhaṃsu— "kvāyaṃ abalabalo viya mandamando viya bhākuṭikabhākuṭiko viya? ko imassa upagatassa piṇḍakaṃ dassati? amhākaṃ pana ayyā assajipunabbasukā saṇhā sakhilā sukhasambhāsā mihitapubbangamā ehisvāgatavādino abbhākuṭikā uttānamukhā pubbabhāsino. tesaṃ kho nāma piṇḍo dātabbo"ti.

3 addasā kho aññataro upāsako taṃ bhikkhuṃ kīṭāgirismiṃ piṇḍāya carantaṃ. disvāna yena so bhikkhu tenupasankami; upasankamitvā taṃ bhikkhuṃ abhivādetvā etadavoca—  "api, bhante, piṇḍo labbhatī"ti? "na kho, āvuso, piṇḍo labbhatī"ti. "ehi, bhante, gharaṃ gamissāmā"ti. atha kho so upāsako taṃ bhikkhuṃ gharaṃ netvā bhojetvā etadavoca—  "kahaṃ, bhante, ayyo gamissatī"ti? "sāvatthiṃ kho ahaṃ, āvuso, gamissāmi bhagavantaṃ dassanāyā"ti. "tena hi, bhante, mama vacanena bhagavato pāde sirasā vanda, evañca vadehi—  ‘duṭṭho, bhante, kīṭāgirismiṃ āvāso. assajipunabbasukā nāma kīṭāgirismiṃ āvāsikā alajjino pāpabhikkhū. te evarūpaṃ anācāraṃ ācaranti—  mālāvacchaṃ ropentipi ropāpentipi, siñcantipi siñcāpentipi … pe …   vividhampi anācāraṃ ācaranti. yepi te, bhante, manussā pubbe saddhā ahesuṃ pasannā tepi etarahi assaddhā appasannā. yānipi tāni sanghassa pubbe dānapathāni tānipi etarahi upacchinnāni. riñcanti pesalā bhikkhū, nivasanti pāpabhikkhū. sādhu, bhante, bhagavā kīṭāgiriṃ bhikkhū pahiṇeyya yathāyaṃ kīṭāgirismiṃ āvāso saṇṭhaheyyā’"ti.


4 "evamāvuso"ti kho so bhikkhu tassa upāsakassa paṭissutvā yena sāvatthi tena pakkāmi. anupubbena yena sāvatthi jetavanaṃ anāthapiṇḍikassa ārāmo yena bhagavā tenupasankami; upasankamitvā bhagavantaṃ abhivādetvā ekamantaṃ nisīdi. āciṇṇaṃ kho panetaṃ buddhānaṃ bhagavantānaṃ āgantukehi bhikkhūhi saddhiṃ paṭisammodituṃ. atha kho bhagavā taṃ bhikkhuṃ etadavoca—  "kacci, bhikkhu, khamanīyaṃ kacci yāpanīyaṃ, kaccisi appakilamathena addhānaṃ āgato, kuto ca tvaṃ, bhikkhu, āgacchasī"ti? "khamanīyaṃ, bhagavā, yāpanīyaṃ, bhagavā. appakilamathena cāhaṃ, bhante, addhānaṃ āgato. idhāhaṃ, bhante, kāsīsu vassaṃvuṭṭho sāvatthiṃ āgacchanto bhagavantaṃ dassanāya yena kīṭāgiri tadavasariṃ. atha khvāhaṃ, bhante, pubbaṇhasamayaṃ nivāsetvā pattacīvaramādāya kīṭāgiriṃ piṇḍāya pāvisiṃ. addasā kho maṃ, bhante, aññataro upāsako kīṭāgirismiṃ piṇḍāya carantaṃ. disvāna yenāhaṃ tenupasankami; upasankamitvā maṃ abhivādetvā etadavoca—  ‘api, bhante, piṇḍo labbhatī’ti? ‘na kho, āvuso, piṇḍo labbhatī’ti. ‘ehi, bhante, gharaṃ gamissāmā’ti. atha kho, bhante, so upāsako maṃ gharaṃ netvā bhojetvā etadavoca—  ‘kahaṃ, bhante, ayyo gamissatī’ti? ‘sāvatthiṃ kho ahaṃ, āvuso, gamissāmi bhagavantaṃ dassanāyā’ti. tena hi, bhante, mama vacanena bhagavato pāde sirasā vanda, evañca vadehi—  ‘duṭṭho, bhante, kīṭāgirismiṃ āvāso, assajipunabbasukā nāma kīṭāgirismiṃ āvāsikā alajjino pāpabhikkhū. te evarūpaṃ anācāraṃ ācaranti—  mālāvacchaṃ ropentipi ropāpentipi, siñcantipi siñcāpentipi … pe …   vividhampi anācāraṃ ācaranti. yepi te, bhante, manussā pubbe saddhā ahesuṃ pasannā tepi etarahi assaddhā appasannā, yānipi tāni sanghassa pubbe dānapathāni tānipi etarahi upacchinnāni, riñcanti pesalā bhikkhū nivasanti pāpabhikkhū. sādhu, bhante, bhagavā kīṭāgiriṃ bhikkhū pahiṇeyya yathāyaṃ kīṭāgirismiṃ āvāso saṇṭhaheyyā’ti. tato ahaṃ, bhagavā, āgacchāmī"ti.


5 atha kho bhagavā etasmiṃ nidāne etasmiṃ pakaraṇe bhikkhusanghaṃ sannipātāpetvā bhikkhū paṭipucchi—  "saccaṃ kira, bhikkhave, assajipunabbasukā nāma kīṭāgirismiṃ āvāsikā alajjino pāpabhikkhū te evarūpaṃ anācāraṃ ācaranti— mālāvacchaṃ ropentipi ropāpentipi, siñcantipi siñcāpentipi … pe …   vividhampi anācāraṃ ācaranti, yepi te, bhikkhave, manussā pubbe saddhā ahesuṃ pasannā tepi etarahi assaddhā appasannā; yānipi tāni sanghassa pubbe dānapathāni tānipi etarahi upacchinnāni; riñcanti pesalā bhikkhū nivasanti pāpabhikkhū"ti? "saccaṃ, bhagavā"ti. vigarahi buddho bhagavā … pe …   kathañhi nāma te, bhikkhave, moghapurisā evarūpaṃ anācāraṃ ācarissanti—  mālāvacchaṃ ropessantipi ropāpessantipi, sañcissantipi siñcāpessantipi, ocinissantipi ocināpessantipi, ganthissantipi ganthāpessantipi, ekatovaṇṭikamālaṃ karissantipi kārāpessantipi, ubhatovaṇṭikamālaṃ karissantipi kārāpessantipi, mañjarikaṃ karissantipi kārāpessantipi, vidhūtikaṃ karissantipi kārāpessantipi, vaṭaṃsakaṃ karissantipi kārāpessantipi, āveḷaṃ karissantipi kārāpessantipi, uracchadaṃ karissantipi kārāpessantipi. te kulitthīnaṃ kuladhītānaṃ kulakumārīnaṃ kulasuṇhānaṃ kuladāsīnaṃ ekatovaṇṭikamālaṃ harissantipi hārāpessantipi, ubhatovaṇṭikamālaṃ harissantipi hārāpessantipi, mañjarikaṃ harissantipi hārāpessantipi, vidhūtikaṃ harissantipi hārāpessantipi, vaṭaṃsakaṃ harissantipi hārāpessantipi, āveḷaṃ harissantipi hārāpessantipi, uracchadaṃ harissantipi hārāpessantipi. te kulitthīhi kuladhītāhi kulakumārīhi kulasuṇhāhi kuladāsīhi saddhiṃ ekabhājanepi bhuñjissanti, ekathālakepi pivissanti, ekāsanepi nisīdissanti, ekamañcepi tuvaṭṭissanti, ekattharaṇāpi tuvaṭṭissanti, ekapāvuraṇāpi tuvaṭṭissanti, ekattharaṇapāvuraṇāpi tuvaṭṭissanti, vikālepi bhuñjissanti, majjampi pivissanti, mālāgandhavilepanampi dhārissanti, naccissantipi gāyissantipi vādessantipi lāsessantipi, naccantiyāpi naccissanti naccantiyāpi gāyissanti naccantiyāpi vādessanti naccantiyāpi lāsessanti, gāyantiyāpi naccissanti gāyantiyāpi gāyissanti gāyantiyāpi vādessanti gāyantiyāpi lāsessanti, vādentiyāpi naccissanti vādentiyāpi gāyissanti vādentiyāpi vādessanti vādentiyāpi lāsessanti, lāsentiyāpi naccissanti lāsentiyāpi gāyissanti lāsentiyāpi vādessanti lāsentiyāpi lāsessanti, aṭṭhapadepi kīḷissanti dasapadepi kīḷissanti, ākāsepi kīḷissanti, parihārapathepi kīḷissanti, santikāyapi kīḷissanti, khalikāyapi kīḷissanti, ghaṭikāyapi kīḷissanti, salākahatthenapi kīḷissanti, akkhenapi kīḷissanti, pangacīrenapi kīḷissanti, vankakenapi kīḷissanti, mokkhacikāyapi kīḷissanti, cingulakenapi kīḷissanti, pattāḷhakenapi kīḷissanti, rathakenapi kīḷissanti, dhanukenapi kīḷissanti, akkharikāyapi kīḷissanti, manesikāyapi kīḷissanti, yathāvajjenapi kīḷissanti, hatthismimpi sikkhissanti, assasmimpi sikkhissanti, rathasmimpi sikkhissanti, dhanusmimpi sikkhissanti, tharusmimpi sikkhissanti, hatthissapi purato dhāvissanti, assassapi purato dhāvissanti, rathassapi purato dhāvissantipi ādhāvissantipi, usseḷessantipi, apphoṭessantipi, nibbujjhissantipi, muṭṭhīhipi yujjhissanti, rangamajjhepi sanghāṭiṃ pattharitvā naccakiṃ evaṃ vakkhanti "idha, bhagini, naccassū"ti nalāṭikampi dassanti, vividhampi anācāraṃ ācarissanti. netaṃ, bhikkhave, appasannānaṃ vā pasādāya … pe …   vigarahitvā dhammiṃ kathaṃ katvā sāriputtamoggallāne āmantesi—  "gacchatha tumhe, sāriputtā, kīṭāgiriṃ gantvā assajipunabbasukānaṃ bhikkhūnaṃ kīṭāgirismā pabbājanīyakammaṃ karotha. tumhākaṃ ete saddhivihārikā"ti.


6 "kathaṃ mayaṃ, bhante, assajipunabbasukānaṃ bhikkhūnaṃ kīṭāgirismā pabbājanīyakammaṃ karoma? caṇḍā te bhikkhū pharusā"ti. "tena hi tumhe, sāriputtā, bahukehi bhikkhūhi saddhiṃ gacchathā"ti. "evaṃ, bhante"ti kho sāriputtamoggallānā bhagavato paccassosuṃ. "evañca pana, bhikkhave, kātabbaṃ. paṭhamaṃ assajipunabbasukā bhikkhū codetabbā. codetvā sāretabbā. sāretvā āpattiṃ ropetabbā. āpattiṃ ropetvā byattena bhikkhunā paṭibalena sangho ñāpetabbo— 

7 "na assajipunabbasukehi bhikkhūhi kīṭāgirismiṃ vatthabban"ti. esā ñatti. ‘suṇātu me, bhante, sangho. ime assajipunabbasukā bhikkhū kuladūsakā pāpasamācārā. imesaṃ pāpakā samācārā dissanti ceva suyyanti ca. kulāni ca imehi duṭṭhāni dissanti ceva suyyanti ca. yadi sanghassa pattakallaṃ, sangho assajipunabbasukānaṃ bhikkhūnaṃ kīṭāgirismā pabbājanīyakammaṃ kareyya—

8 "na assajipunabbasukehi bhikkhūhi kīṭāgirismiṃ vatthabban"ti. yassāyasmato khamati assajipunabbasukānaṃ bhikkhūnaṃ kīṭāgirismā pabbājanīyakammassa karaṇaṃ—  "na assajipunabbasukehi bhikkhūhi kīṭāgirismiṃ vatthabban"ti, so tuṇhassa; yassa nakkhamati, so bhāseyya. suṇātu me, bhante, sangho. ime assajipunabbasukā bhikkhū kuladūsakā pāpasamācārā. imesaṃ pāpakā samācārā dissanti ceva suyyanti ca. kulāni ca imehi duṭṭhāni dissanti ceva suyyanti ca. sangho assajipunabbasukānaṃ bhikkhūnaṃ kīṭāgirismā pabbājanīyakammaṃ karoti—

9 dutiyampi etamatthaṃ vadāmi … pe …   tatiyampi etamatthaṃ vadāmi—  suṇātu me, bhante, sangho … pe …   so bhāseyya.


10 "na assajipunabbasukehi bhikkhūhi kīṭāgirismiṃ vatthabban"ti. khamati sanghassa, tasmā tuṇhī, evametaṃ dhārayāmī’"ti. kataṃ saṇghena assajipunabbasukānaṃ bhikkhūnaṃ kīṭāgirismā pabbājanīyakammaṃ—

11 atha kho sāriputtamoggallānappamukho bhikkhusangho kīṭāgiriṃ gantvā assajipunabbasukānaṃ bhikkhūnaṃ kīṭāgirismā pabbājanīyakammaṃ akāsi—  "na assajipunabbasukehi bhikkhūhi kīṭāgirismiṃ vatthabban"ti. te saṇghena pabbājanīyakammakatā na sammā vattanti, na lomaṃ pātenti, na netthāraṃ vattanti, na bhikkhū khamāpenti, akkosanti paribhāsanti chandagāmitā dosagāmitā mohagāmitā bhayagāmitā pāpenti, pakkamantipi, vibbhamantipi. ye te bhikkhū appicchā … pe …   te ujjhāyanti khiyyanti vipācenti—  "kathañhi nāma assajipunabbasukā bhikkhū saṇghena pabbājanīyakammakatā na sammā vattissanti, na lomaṃ pātessanti, na netthāraṃ vattissanti, na bhikkhū khamāpessanti, akkosissanti paribhāsissanti, chandagāmitā dosagāmitā mohagāmitā bhayagāmitā pāpessanti pakkamissantipi vibbhamissantipī"ti.

12 atha kho te bhikkhū assajipunabbasuke bhikkhū anekapariyāyena vigarahitvā bhagavato etamatthaṃ ārocesuṃ … pe …   "saccaṃ kira, bhikkhave, assajipunabbasukā bhikkhū saṇghena pabbājanīyakammakatā na sammā vattanti … pe …   vibbhamantipī"ti? "saccaṃ, bhagavā"ti. vigarahi buddho bhagavā … pe …   evañca pana, bhikkhave, imaṃ sikkhāpadaṃ uddiseyyātha— 


13 "bhikkhu paneva aññataraṃ gāmaṃ vā nigamaṃ vā upanissāya viharati kuladūsako pāpasamācāro. tassa kho pāpakā samācārā dissanti ceva suyyanti ca, kulāni ca tena duṭṭhāni dissanti ceva suyyanti ca. so bhikkhu bhikkhūhi evamassa vacanīyo—  ‘āyasmā kho kuladūsako pāpasamācāro, āyasmato kho pāpakā samācārā dissanti ceva suyyanti ca, kulāni cāyasmatā duṭṭhāni dissanti ceva suyyanti ca. pakkamatāyasmā imamhā āvāsā. alaṃ te idha vāsenā’ti. evañca so bhikkhu bhikkhūhi vuccamāno te bhikkhū evaṃ vadeyya—  ‘chandagāmino ca bhikkhū dosagāmino ca bhikkhū mohagāmino ca bhikkhū bhayagāmino ca bhikkhū tādisikāya āpattiyā ekaccaṃ pabbājenti ekaccaṃ na pabbājentī’ti, so bhikkhu bhikkhūhi evamassa vacanīyo—  ‘māyasmā evaṃ avaca. na ca bhikkhū chandagāmino. na ca bhikkhū dosagāmino. na ca bhikkhū mohagāmino. na ca bhikkhū bhayagāmino. āyasmā kho kuladūsako pāpasamācāro. āyasmato kho pāpakā samācārā dissanti ceva suyyanti ca. kulāni cāyasmatā duṭṭhāni dissanti ceva suyyanti ca. pakkamatāyasmā imamhā āvāsā. alaṃ te idha vāsenā’ti. evañca so bhikkhu bhikkhūhi vuccamāno tatheva paggaṇheyya, so bhikkhu bhikkhūhi yāvatatiyaṃ samanubhāsitabbo tassa paṭinissaggāya. yāvatatiyañce samanubhāsiyamāno taṃ paṭinissajjeyya, iccetaṃ kusalaṃ; no ce paṭinissajjeyya, sanghādiseso"ti. (13:17)


14 bhikkhu paneva aññataraṃ gāmaṃ vā nigamaṃ vāti gāmopi nigamopi nagarampi gāmo ceva nigamo ca.

15 upanissāya viharatīti tattha paṭibaddhā honti cīvara­piṇḍapāta­senāsana­gilānappaccaya­bhesajja­parikkhārā.

16 kulaṃ nāma cattāri kulāni—  khattiyakulaṃ, brāhmaṇakulaṃ, vessakulaṃ, suddakulaṃ.

17 kuladūsakoti kulāni dūseti pupphena vā phalena vā cuṇṇena vā mattikāya vā dantakaṭṭhena vā veḷuyā vā vejjikāya vā janghapesanikena vā.

18 pāpasamācāroti mālāvacchaṃ ropetipi ropāpetipi, siñcatipi siñcāpetipi, ocinātipi ocināpetipi, ganthetipi ganthāpetipi.

19 dissanti ceva suyyanti cāti ye saṃmukhā te passanti, ye tirokkhā te suṇanti.


20 kulāni ca tena duṭṭhānīti pubbe saddhā hutvā taṃ āgamma assaddhā honti, pasannā hutvā appasannā honti.

21 dissanti ceva suyyanti cāti ye saṃmukhā te passanti, ye tirokkhā te suṇanti.

22 so bhikkhūti yo so kuladūsako bhikkhu.

23 bhikkhūhīti aññehi bhikkhūhi. ye passanti ye suṇanti. tehi vattabbo—  "āyasmā kho kuladūsako pāpasamācāro. āyasmato kho pāpakā samācārā dissanti ceva suyyanti ca. kulāni cāyasmatā duṭṭhāni dissanti ceva suyyanti ca. pakkamatāyasmā imamhā āvāsā. alaṃ te idha vāsenā"ti.

24 evañca so bhikkhu bhikkhūhi vuccamāno te bhikkhū evaṃ vadeyya—  "chandagāmino ca bhikkhū, dosagāmino ca bhikkhū, mohagāmino ca bhikkhū, bhayagāmino ca bhikkhū. tādisikāya āpattiyā ekaccaṃ pabbājenti ekaccaṃ na pabbājentī"ti.


25 so bhikkhūti yo so kammakato bhikkhu.

26 bhikkhūhīti aññehi bhikkhūhi.

27 ye passanti ye suṇanti tehi vattabbo—  "māyasmā evaṃ avaca. na ca bhikkhū chandagāmino, na ca bhikkhū dosagāmino, na ca bhikkhū mohagāmino, na ca bhikkhū bhayagāmino. āyasmā kho kuladūsako pāpasamācāro. āyasmato kho pāpakā samācārā dissanti ceva suyyanti ca. kulāni cāyasmatā duṭṭhāni dissanti ceva suyyanti ca. pakkamatāyasmā imamhā āvāsā. alaṃ te idha vāsenā"ti. dutiyampi vattabbo. tatiyampi vattabbo.

28 sace paṭinissajjati, iccetaṃ kusalaṃ. no ce paṭinissajjati, āpatti dukkaṭassa. sutvā na vadanti, āpatti dukkaṭassa. so bhikkhu saṇghamajjhampi ākaḍḍhitvā vattabbo—  "māyasmā evaṃ avaca. na ca bhikkhū chandagāmino, na ca bhikkhū dosagāmino, na ca bhikkhū mohagāmino, na ca bhikkhū bhayagāmino. āyasmā kho kuladūsako pāpasamācāro. āyasmato kho pāpakā samācārā dissanti ceva suyyanti ca. kulāni cāyasmatā duṭṭhāni dissanti ceva suyyanti ca. pakkamatāyasmā imamhā āvāsā. alaṃ te idha vāsenā"ti. dutiyampi vattabbo. tatiyampi vattabbo. sace paṭinissajjati, iccetaṃ kusalaṃ. no ce paṭinissajjati, āpatti dukkaṭassa. so bhikkhu samanubhāsitabbo.

29 "evañca pana, bhikkhave, samanubhāsitabbo. byattena bhikkhunā paṭibalena sangho ñāpetabbo— 

30 ‘suṇātu me, bhante, sangho. ayaṃ itthannāmo bhikkhu saṇghena pabbājanīyakammakato bhikkhū chandagāmitā dosagāmitā mohagāmitā bhayagāmitā pāpeti. so taṃ vatthuṃ na paṭinissajjati. yadi sanghassa pattakallaṃ, sangho itthannāmaṃ bhikkhuṃ samanubhāseyya tassa vatthussa paṭinissaggāya. esā ñatti.

31 suṇātu me, bhante, sangho. ayaṃ itthannāmo bhikkhu saṇghena pabbājanīyakammakato bhikkhū chandagāmitā dosagāmitā mohagāmitā bhayagāmitā pāpeti. so taṃ vatthuṃ na paṭinissajjati. sangho itthannāmaṃ bhikkhuṃ samanubhāsati tassa vatthussa paṭinissaggāya. yassāyasmato khamati itthannāmassa bhikkhuno samanubhāsanā tassa vatthussa paṭinissaggāya, so tuṇhassa; yassa nakkhamati, so bhāseyya.


32 dutiyampi etamatthaṃ vadāmi … pe …   tatiyampi etamatthaṃ vadāmi … pe …  .


33 samanubhaṭṭho saṇghena itthannāmo bhikkhu tassa vatthussa paṭinissaggāya. khamati sanghassa, tasmā tuṇhī, evametaṃ dhārayāmī’"ti.

34 ñattiyā dukkaṭaṃ, dvīhi kammavācāhi thullaccayā, kammavācāpariyosāne āpatti sanghādisesassa. sanghādisesaṃ ajjhāpajjantassa ñattiyā dukkaṭaṃ, dvīhi kammavācāhi thullaccayā paṭippassambhanti.

35 sanghādisesoti sanghova tassā āpattiyā parivāsaṃ deti, mūlāya paṭikassati, mānattaṃ deti, abbheti; na sambahulā, na ekapuggalo. tena vuccati— "sanghādiseso"ti, tasseva āpattinikāyassa nāmakammaṃ adhivacanaṃ. tenapi vuccati "sanghādiseso"ti.


36 dhammakamme dhammakammasaññī na paṭinissajjati, āpatti sanghādisesassa.

37 dhammakamme vematiko na paṭinissajjati, āpatti sanghādisesassa.

38 dhammakamme adhammakammasaññī na paṭinissajjati, āpatti sanghādisesassa.

39 adhammakamme dhammakammasaññī, āpatti dukkaṭassa.

40 adhammakamme vematiko, āpatti dukkaṭassa.

41 adhammakamme adhammakammasaññī, āpatti dukkaṭassa.


42 anāpatti—  asamanubhāsantassa, paṭinissajjantassa, ummattakassa, ādikammikassāti.

43 kuladūsakasikkhāpadaṃ niṭṭhitaṃ terasamaṃ.

44 "uddiṭṭhā kho, āyasmanto, terasa sanghādisesā dhammā, nava paṭhamāpattikā, cattāro yāvatatiyakā. yesaṃ bhikkhu aññataraṃ vā aññataraṃ vā āpajjitvā yāvatīhaṃ jānaṃ paṭicchādeti tāvatīhaṃ tena bhikkhunā akāmā parivattabbaṃ. parivutthaparivāsena bhikkhunā uttari chārattaṃ bhikkhumānattāya paṭipajjitabbaṃ. ciṇṇamānatto bhikkhu yattha siyā vīsatigaṇo bhikkhusangho tattha so bhikkhu abbhetabbo. ekenapi ce ūno vīsatigaṇo bhikkhusangho taṃ bhikkhuṃ abbheyya, so ca bhikkhu anabbhito, te ca bhikkhū gārayhā, ayaṃ tattha sāmīci. tatthāyasmante pucchāmi—  ‘kaccittha parisuddhā’? dutiyampi pucchāmi— ‘kaccittha parisuddhā’? tatiyampi pucchāmi—  ‘kaccittha parisuddhā’? parisuddhetthāyasmanto. tasmā tuṇhī, evametaṃ dhārayāmī"ti.

45 terasakaṃ niṭṭhitaṃ.


46 tassuddānaṃ

47 vissaṭṭhi kāyasaṃsaggaṃ,
duṭṭhullaṃ attakāmañca;
sañcarittaṃ kuṭī ceva,
vihāro ca amūlakaṃ.

48 kiñcilesañca bhedo ca,
tasseva anuvattakā;
dubbacaṃ kuladūsañca,
sanghādisesā terasāti.

49 sanghādisesakaṇḍaṃ niṭṭhitaṃ.