Saddhamma Study Group
  • A Saddhamma Study Group translation from the Pāḷi text (coming sooner or later).

47. Udāna 5.7: The Discourse about Revata

1 Evaṃ me sutaṃ—​   ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā kankhārevato bhagavato avidūre nisinno hoti pallankaṃ ābhujitvā ujuṃ kāyaṃ paṇidhāya attano kankhāvitaraṇavisuddhiṃ paccavekkhamāno.

2 Addasā kho bhagavā āyasmantaṃ kankhārevataṃ avidūre nisinnaṃ pallankaṃ ābhujitvā ujuṃ kāyaṃ paṇidhāya attano kankhāvitaraṇavisuddhiṃ paccavekkhamānaṃ.

3 Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi: 

4 "Yā kāci kankhā idha vā huraṃ vā,
Sakavediyā vā paravediyā vā;
Ye jhāyino tā pajahanti sabbā,
Ātāpino brahmacariyaṃ carantā"ti.

Sattamaṃ.