1 Sāvatthinidānaṃ. Atha kho bhikkhako brāhmaṇo yena bhagavā tenupasankami; upasankamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho bhikkhako brāhmaṇo bhagavantaṃ etadavoca:  "ahampi kho, bho gotama, bhikkhako, bhavampi bhikkhako, idha no kiṃ nānākaraṇan"ti?

2 "Na tena bhikkhako hoti,
yāvatā bhikkhate pare;
Vissaṃ dhammaṃ samādāya,
bhikkhu hoti na tāvatā.

3 Yodha puññañca pāpañca,
bāhitvā brahmacariyaṃ;
Sankhāya loke carati,
sa ve bhikkhūti vuccatī"ti.

4 Evaṃ vutte, bhikkhako brāhmaṇo bhagavantaṃ etadavoca:  "abhikkantaṃ, bho gotama, abhikkantaṃ, bho gotama … pe … upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gatan"ti.