Saddhamma Study Group

Saṃyutta Nikāya - The Connected Discourses

Connected Discourses with Brahmas: SN6:11 Sanankumara

  • A Saddhamma Study Group translation from the Pāḷi text (coming sooner or later).

    For more copyright information please see:

1 Evaṃ me sutaṃ—​   ekaṃ samayaṃ bhagavā rājagahe viharati sappinītīre. Atha kho brahmā sanankumāro abhikkantāya rattiyā abhikkantavaṇṇo kevalakappaṃ sappinītīraṃ obhāsetvā yena bhagavā tenupasankami; upasankamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho brahmā sanankumāro bhagavato santike imaṃ gāthaṃ abhāsi: 

2 "Khattiyo seṭṭho janetasmiṃ,
ye gottapaṭisārino;
Vijjācaraṇasampanno,
so seṭṭho devamānuse"ti.

3 Idamavoca brahmā sanankumāro. Samanuñño satthā ahosi. Atha kho brahmā sanankumāro "samanuñño me satthā"ti bhagavantaṃ abhivādetvā padakkhiṇaṃ katvā tatthevantaradhāyīti.