Saddhamma Study Group

Saṃyutta Nikāya - The Connected Discourses

Connected Discourses on the Factors of Enlightenment: SN46:50 External Factor

  • A Saddhamma Study Group translation from the Pāḷi text (coming sooner or later).

    For more copyright information please see:

1 "Bāhiraṃ, bhikkhave, anganti karitvā nāññaṃ ekangampi samanupassāmi sattannaṃ bojjhangānaṃ uppādāya, yathayidaṃ – bhikkhave, kalyāṇamittatā. Kalyāṇamittassetaṃ, bhikkhave, bhikkhuno pāṭikankhaṃ – satta bojjhange bhāvessati, satta bojjhange bahulīkarissati. Kathañca, bhikkhave, bhikkhu kalyāṇamitto satta bojjhange bhāveti, satta bojjhange bahulīkaroti? Idha, bhikkhave, bhikkhu satisambojjhangaṃ bhāveti vivekanissitaṃ … pe … upekkhāsambojjhangaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Evaṃ kho, bhikkhave, bhikkhu kalyāṇamitto satta bojjhange bhāveti, satta bojjhange bahulīkarotī"ti.

Dasamaṃ.

Cakkavattivaggo pañcamo.

2 Vidhā cakkavatti māro,
duppañño paññavena ca;
Daliddo adaliddo ca,
ādiccangena te dasāti.