Saddhamma Study Group

Saṃyutta Nikāya - The Connected Discourses

Connected Discourses on the Factors of Enlightenment: SN46:24 Careless Attention

  • A Saddhamma Study Group translation from the Pāḷi text (coming sooner or later).

    For more copyright information please see:

1 "Ayoniso, bhikkhave, manasikaroto anuppanno ceva kāmacchando uppajjati, uppanno ca kāmacchando bhiyyobhāvāya vepullāya saṃvattati; anuppanno ceva byāpādo uppajjati, uppanno ca byāpādo bhiyyobhāvāya vepullāya saṃvattati; anuppannañceva thinamiddhaṃ uppajjati, uppannañca thinamiddhaṃ bhiyyobhāvāya vepullāya saṃvattati; anuppannañceva uddhaccakukkuccaṃ uppajjati, uppannañca uddhaccakukkuccaṃ bhiyyobhāvāya vepullāya saṃvattati; anuppannā ceva vicikicchā uppajjati, uppannā ca vicikicchā bhiyyobhāvāya vepullāya saṃvattati; anuppanno ceva satisambojjhango nuppajjati, uppanno ca satisambojjhango nirujjhati … pe … anuppanno ceva upekkhāsambojjhango nuppajjati, uppanno ca upekkhāsambojjhango nirujjhati.

2 Yoniso ca kho, bhikkhave, manasikaroto anuppanno ceva kāmacchando nuppajjati, uppanno ca kāmacchando pahīyati; anuppanno ceva byāpādo nuppajjati, uppanno ca byāpādo pahīyati; anuppannañceva thinamiddhaṃ nuppajjati, uppannañca thinamiddhaṃ pahīyati; anuppannañceva uddhaccakukkuccaṃ nuppajjati, uppannañca uddhaccakukkuccaṃ pahīyati; anuppannā ceva vicikicchā nuppajjati, uppannā ca vicikicchā pahīyati.

3 Anuppanno ceva satisambojjhango uppajjati, uppanno ca satisambojjhango bhāvanāpāripūriṃ gacchati … pe … anuppanno ceva upekkhāsambojjhango uppajjati, uppanno ca upekkhāsambojjhango bhāvanāpāripūriṃ gacchatī"ti.

Catutthaṃ.