Saddhamma Study Group

Saṃyutta Nikāya - The Connected Discourses

Connected Discourses on the Factors of Enlightenment: SN46:13 The Simile of the Sun (2)

  • A Saddhamma Study Group translation from the Pāḷi text (coming sooner or later).

    For more copyright information please see:

1 "Sūriyassa, bhikkhave, udayato etaṃ pubbangamaṃ etaṃ pubbanimittaṃ, yadidaṃ – aruṇuggaṃ; evameva kho, bhikkhave, bhikkhuno sattannaṃ bojjhangānaṃ uppādāya etaṃ pubbangamaṃ etaṃ pubbanimittaṃ, yadidaṃ – yonisomanasikāro. Yonisomanasikārasampannassetaṃ, bhikkhave, bhikkhuno pāṭikankhaṃ – satta bojjhange bhāvessati, satta bojjhange bahulīkarissati.

2 Kathañca, bhikkhave, bhikkhu yonisomanasikārasampanno satta bojjhange bhāveti, satta bojjhange bahulīkaroti? Idha, bhikkhave, bhikkhu satisambojjhangaṃ bhāveti vivekanissitaṃ … pe … upekkhāsambojjhangaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Evaṃ kho, bhikkhave, bhikkhu yonisomanasikārasampanno satta bojjhange bhāveti, satta bojjhange bahulīkarotī"ti.

Tatiyaṃ.