Saddhamma Study Group

Saṃyutta Nikāya - The Connected Discourses

Connected Discourses on the Unconditioned: SN43:1 Mindfulness Directed to the body

  • A Saddhamma Study Group translation from the Pāḷi text (coming sooner or later).

    For more copyright information please see:

1 Sāvatthinidānaṃ. "Asankhatañca vo, bhikkhave, desessāmi asankhatagāmiñca maggaṃ. Taṃ suṇātha. Katamañca, bhikkhave, asankhataṃ? Yo, bhikkhave, rāgakkhayo dosakkhayo mohakkhayo – idaṃ vuccati, bhikkhave, asankhataṃ. Katamo ca, bhikkhave, asankhatagāmimaggo? Kāyagatāsati. Ayaṃ vuccati, bhikkhave, asankhatagāmimaggo.

2 Iti kho, bhikkhave, desitaṃ vo mayā asankhataṃ, desito asankhatagāmimaggo. Yaṃ, bhikkhave, satthārā karaṇīyaṃ sāvakānaṃ hitesinā anukampakena anukampaṃ upādāya, kataṃ vo taṃ mayā. Etāni, bhikkhave, rukkhamūlāni, etāni suññāgārāni. Jhāyatha, bhikkhave, mā pamādattha; mā pacchā vippaṭisārino ahuvattha. Ayaṃ vo amhākaṃ anusāsanī"ti.

Paṭhamaṃ.