Saddhamma Study Group

Saṃyutta Nikāya - The Connected Discourses

Connected Discourses with Jambukhadaka: SN38:8 Taints

  • A Saddhamma Study Group translation from the Pāḷi text (coming sooner or later).

    For more copyright information please see:

1 "‘Āsavo, āsavo’ti, āvuso sāriputta, vuccati. Katamo nu kho, āvuso, āsavo"ti? "Tayo me, āvuso, āsavā. Kāmāsavo, bhavāsavo, avijjāsavo – ime kho, āvuso, tayo āsavā"ti. "Atthi panāvuso, maggo atthi paṭipadā etesaṃ āsavānaṃ pahānāyā"ti? "Atthi kho, āvuso, maggo atthi paṭipadā etesaṃ āsavānaṃ pahānāyā"ti. "Katamo panāvuso, maggo katamā paṭipadā etesaṃ āsavānaṃ pahānāyā"ti? "Ayameva kho, āvuso, ariyo aṭṭhangiko maggo etesaṃ āsavānaṃ pahānāya, seyyathidaṃ – sammādiṭṭhi … pe … sammāsamādhi. Ayaṃ kho, āvuso, maggo ayaṃ paṭipadā, etesaṃ āsavānaṃ pahānāyā"ti. "Bhaddako, āvuso, maggo bhaddikā paṭipadā, etesaṃ āsavānaṃ pahānāya. Alañca panāvuso sāriputta, appamādāyā"ti.

Aṭṭhamaṃ.