Saddhamma Study Group

Saṃyutta Nikāya - The Connected Discourses

Connected Discourses on the Six Sense Bases: SN35:22 Arising of Suffering (2)

  • A Saddhamma Study Group translation from the Pāḷi text (coming sooner or later).

    For more copyright information please see:

1 "Yo, bhikkhave, rūpānaṃ uppādo ṭhiti abhinibbatti pātubhāvo, dukkhasseso uppādo, rogānaṃ ṭhiti, jarāmaraṇassa pātubhāvo. Yo saddānaṃ … pe … yo gandhānaṃ … yo rasānaṃ … yo phoṭṭhabbānaṃ … yo dhammānaṃ uppādo ṭhiti abhinibbatti pātubhāvo, dukkhasseso uppādo, rogānaṃ ṭhiti, jarāmaraṇassa pātubhāvo.

2 Yo ca kho, bhikkhave, rūpānaṃ nirodho vūpasamo atthangamo, dukkhasseso nirodho, rogānaṃ vūpasamo, jarāmaraṇassa atthangamo. Yo saddānaṃ … pe … yo gandhānaṃ … yo rasānaṃ … yo phoṭṭhabbānaṃ … yo dhammānaṃ nirodho vūpasamo atthangamo, dukkhasseso nirodho, rogānaṃ vūpasamo, jarāmaraṇassa atthangamo"ti.

Dasamaṃ.

Yamakavaggo dutiyo.

3 Sambodhena duve vuttā,
Assādena apare duve;
No cetena duve vuttā,
Abhinandena apare duve;
Uppādena duve vuttā,
Vaggo tena pavuccatīti.