Saddhamma Study Group

Saṃyutta Nikāya - The Connected Discourses

Connected Discourses on Arising: SN26:10 Aggregates

  • A Saddhamma Study Group translation from the Pāḷi text (coming sooner or later).

    For more copyright information please see:

1 Sāvatthinidānaṃ. "Yo kho, bhikkhave, rūpassa uppādo ṭhiti abhinibbatti pātubhāvo, dukkhasseso uppādo, rogānaṃ ṭhiti, jarāmaraṇassa pātubhāvo. Yo vedanāya … yo saññāya … yo sankhārānaṃ … yo viññāṇassa uppādo ṭhiti abhinibbatti pātubhāvo, dukkhasseso uppādo, rogānaṃ ṭhiti, jarāmaraṇassa pātubhāvo. Yo ca kho, bhikkhave, rūpassa nirodho vūpasamo atthangamo, dukkhasseso nirodho, rogānaṃ vūpasamo, jarāmaraṇassa atthangamo. Yo vedanāya … yo saññāya … yo sankhārānaṃ … yo viññāṇassa nirodho vūpasamo atthangamo, dukkhasseso nirodho, rogānaṃ vūpasamo, jarāmaraṇassa atthangamo"ti.

Dasamaṃ.

Uppādavaggo paṭhamo.

2 Cakkhu rūpañca viññāṇaṃ,
phasso ca vedanāya ca;
Saññā ca cetanā taṇhā,
dhātu khandhena te dasāti.

Uppādasaṃyuttaṃ samattaṃ.