Saddhamma Study Group

Saṃyutta Nikāya - The Connected Discourses

Connected Discourses on the Aggregates: SN22:32 The Fragile

  • A Saddhamma Study Group translation from the Pāḷi text (coming sooner or later).

    For more copyright information please see:

1 Sāvatthinidānaṃ. "Pabhanguñca, bhikkhave, desessāmi appabhanguñca. Taṃ suṇātha. Kiñca, bhikkhave, pabhangu, kiṃ appabhangu? Rūpaṃ, bhikkhave, pabhangu. Yo tassa nirodho vūpasamo atthangamo, idaṃ appabhangu. Vedanā pabhangu. Yo tassā nirodho vūpasamo atthangamo, idaṃ appabhangu. Saññā pabhangu … sankhārā pabhangu. Yo tesaṃ nirodho vūpasamo atthangamo, idaṃ appabhangu. Viññāṇaṃ pabhangu. Yo tassa nirodho vūpasamo atthangamo, idaṃ appabhangū"ti.

Ekādasamaṃ.

Bhāravaggo tatiyo.

2 Bhāraṃ pariññaṃ abhijānaṃ,
chandarāgaṃ catutthakaṃ;
Assādā ca tayo vuttā,
abhinandanamaṭṭhamaṃ;
Uppādaṃ aghamūlañca,
ekādasamo pabhangūti.