Saṃyutta Nikāya - The Connected Discourses
Connected Discourses with Young Devas: SN2:15 Candana
1 Ekamantaṃ ṭhito kho candano devaputto bhagavantaṃ gāthāya ajjhabhāsi:
2 "Kathaṃsu tarati oghaṃ,
rattindivamatandito;
Appatiṭṭhe anālambe,
ko gambhīre na sīdatī"ti.3 "Sabbadā sīlasampanno,
Paññavā susamāhito;
Āraddhavīriyo pahitatto,
Oghaṃ tarati duttaraṃ.4 Virato kāmasaññāya,
rūpasaṃyojanātigo;
Nandīrāgaparikkhīṇo,
so gambhīre na sīdatī"ti.