Saddhamma Study Group

Saṃyutta Nikāya - The Connected Discourses

Connected Discourses with Sakka: SN11:16 Bestowing Alms

  • A Saddhamma Study Group translation from the Pāḷi text (coming sooner or later).

    For more copyright information please see:

1 Ekaṃ samayaṃ bhagavā rājagahe viharati gijjhakūṭe pabbate. Atha kho sakko devānamindo yena bhagavā tenupasankami; upasankamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho sakko devānamindo bhagavantaṃ gāthāya ajjhabhāsi: 

2 "Yajamānānaṃ manussānaṃ,
puññapekkhāna pāṇinaṃ;
Karotaṃ opadhikaṃ puññaṃ,
kattha dinnaṃ mahapphalan"ti.

3 "Cattāro ca paṭipannā,
cattāro ca phale ṭhitā;
Esa sangho ujubhūto,
paññāsīlasamāhito.

4 Yajamānānaṃ manussānaṃ,
Puññapekkhāna pāṇinaṃ;
Karotaṃ opadhikaṃ puññaṃ,
Sanghe dinnaṃ mahapphalan"ti.