1 Ekaṃ samayaṃ bhagavā rājagahe viharati veḷuvane kalandakanivāpe. Tena kho pana samayena sukkā bhikkhunī mahatiyā parisāya parivutā dhammaṃ deseti. Atha kho sukkāya bhikkhuniyā abhippasanno yakkho rājagahe rathikāya rathikaṃ singhāṭakena singhāṭakaṃ upasankamitvā tāyaṃ velāyaṃ imā gāthāyo abhāsi: 

2 "Kiṃ me katā rājagahe manussā,
Madhupītāva seyare;
Ye sukkaṃ na payirupāsanti,
Desentiṃ amataṃ padaṃ.

3 Tañca pana appaṭivānīyaṃ,
Asecanakamojavaṃ;
Pivanti maññe sappaññā,
Valāhakamiva panthagū"ti.