Saṃyutta Nikāya - The Connected Discourses
Connected Discourses with Devatas: SN1:30 Antelope Calves
1 "Eṇijanghaṃ kisaṃ vīraṃ,
appāhāraṃ alolupaṃ;
Sīhaṃvekacaraṃ nāgaṃ,
kāmesu anapekkhinaṃ;
Upasankamma pucchāma,
kathaṃ dukkhā pamuccatī"ti.2 "Pañca kāmaguṇā loke,
manochaṭṭhā paveditā;
Ettha chandaṃ virājetvā,
evaṃ dukkhā pamuccatī"ti.
Sattivaggo tatiyo.
3 Sattiyā phusati ceva,
jaṭā manonivāraṇā;
Arahantena pajjoto,
sarā mahaddhanena ca;
Catucakkena navamaṃ,
eṇijanghena te dasāti.