Saddhamma Study Group

Anguttara Nikāya - The Numerical Discourses

8: The Book of the Eights

87. Almsbowl

  • A Saddhamma Study Group translation from the Pāḷi text (coming sooner or later).

    For more copyright information please see:

1 "Aṭṭhahi, bhikkhave, angehi samannāgatassa upāsakassa ākankhamāno sangho pattaṃ nikkujjeyya. Katamehi aṭṭhahi? Bhikkhūnaṃ alābhāya parisakkati, bhikkhūnaṃ anatthāya parisakkati, bhikkhūnaṃ avāsāya parisakkati, bhikkhū akkosati paribhāsati, bhikkhū bhikkhūhi bhedeti, buddhassa avaṇṇaṃ bhāsati, dhammassa avaṇṇaṃ bhāsati, sanghassa avaṇṇaṃ bhāsati. Imehi kho, bhikkhave, aṭṭhahangehi samannāgatassa upāsakassa ākankhamāno sangho pattaṃ nikkujjeyya.

2 Aṭṭhahi, bhikkhave, angehi samannāgatassa upāsakassa ākankhamāno sangho pattaṃ ukkujjeyya. Katamehi aṭṭhahi? Na bhikkhūnaṃ alābhāya parisakkati, na bhikkhūnaṃ anatthāya parisakkati, na bhikkhūnaṃ avāsāya parisakkati, na bhikkhū akkosati paribhāsati, na bhikkhū bhikkhūhi bhedeti, buddhassa vaṇṇaṃ bhāsati, dhammassa vaṇṇaṃ bhāsati, sanghassa vaṇṇaṃ bhāsati. Imehi kho, bhikkhave, aṭṭhahangehi samannāgatassa upāsakassa ākankhamāno sangho pattaṃ ukkujjeyyā"ti.

Sattamaṃ.