1 "Aṭṭhimāni, bhikkhave, sappurisadānāni. Katamāni aṭṭha? Suciṃ deti, paṇītaṃ deti, kālena deti, kappiyaṃ deti, viceyya deti, abhiṇhaṃ deti, dadaṃ cittaṃ pasādeti, datvā attamano hoti. Imāni kho, bhikkhave, aṭṭha sappurisadānānīti.

2 Suciṃ paṇītaṃ kālena,
kappiyaṃ pānabhojanaṃ;
Abhiṇhaṃ dadāti dānaṃ,
sukhettesu brahmacārisu.

3 Neva vippaṭisārissa,
cajitvā āmisaṃ bahuṃ;
Evaṃ dinnāni dānāni,
vaṇṇayanti vipassino.

4 Evaṃ yajitvā medhāvī,
saddho muttena cetasā;
Abyābajjhaṃ sukhaṃ lokaṃ,
paṇḍito upapajjatī"ti.

Sattamaṃ.