Saddhamma Study Group

Anguttara Nikāya - The Numerical Discourses

7: The Book of the Sevens

24. Non-Decline (2)

  • A Saddhamma Study Group translation from the Pāḷi text (coming sooner or later).

    For more copyright information please see:

1 "Satta vo, bhikkhave, aparihāniye dhamme desessāmi. Taṃ suṇātha, sādhukaṃ manasi karotha … pe … katame ca, bhikkhave, satta aparihāniyā dhammā?

2 Yāvakīvañca, bhikkhave, bhikkhū na kammārāmā bhavissanti, na kammaratā, na kammārāmataṃ anuyuttā; vuddhiyeva, bhikkhave, bhikkhūnaṃ pāṭikankhā, no parihāni.

3 Yāvakīvañca, bhikkhave, bhikkhū na bhassārāmā bhavissanti … pe … na niddārāmā bhavissanti … na sangaṇikārāmā bhavissanti … na pāpicchā bhavissanti na pāpikānaṃ icchānaṃ vasaṃ gatā … na pāpamittā bhavissanti na pāpasahāyā na pāpasampavankā … na oramattakena visesādhigamena antarāvosānaṃ āpajjissanti; vuddhiyeva, bhikkhave, bhikkhūnaṃ pāṭikankhā, no parihāni.

4 Yāvakīvañca, bhikkhave, ime satta aparihāniyā dhammā bhikkhūsu ṭhassanti, imesu ca sattasu aparihāniyesu dhammesu bhikkhū sandississanti; vuddhiyeva, bhikkhave, bhikkhūnaṃ pāṭikankhā, no parihānī"ti.

Catutthaṃ.