Saddhamma Study Group

Anguttara Nikāya - The Numerical Discourses

5: The Book of the Fives

210. With a Muddled Mind

  • A Saddhamma Study Group translation from the Pāḷi text (coming sooner or later).

    For more copyright information please see:

1 "Pañcime, bhikkhave, ādīnavā muṭṭhassatissa asampajānassa niddaṃ okkamayato. Katame pañca? Dukkhaṃ supati, dukkhaṃ paṭibujjhati, pāpakaṃ supinaṃ passati, devatā na rakkhanti, asuci muccati. Ime kho, bhikkhave, pañca ādīnavā muṭṭhassatissa asampajānassa niddaṃ okkamayato.

2 Pañcime, bhikkhave, ānisaṃsā upaṭṭhitassatissa sampajānassa niddaṃ okkamayato. Katame pañca? Sukhaṃ supati, sukhaṃ paṭibujjhati, na pāpakaṃ supinaṃ passati, devatā rakkhanti, asuci na muccati. Ime kho, bhikkhave, pañca ānisaṃsā upaṭṭhitassatissa sampajānassa niddaṃ okkamayato"ti.

Dasamaṃ.

Kimilavaggo paṭhamo.

3 Kimilo dhammassavanaṃ,
ājānīyo balaṃ khilaṃ;
Vinibandhaṃ yāgu kaṭṭhaṃ,
gītaṃ muṭṭhassatinā cāti.