Saddhamma Study Group

Anguttara Nikāya - The Numerical Discourses

5: The Book of the Fives

203. Thoroughbred

  • A Saddhamma Study Group translation from the Pāḷi text (coming sooner or later).

    For more copyright information please see:

1 "Pañcahi, bhikkhave, angehi samannāgato rañño bhadro assājānīyo rājāraho hoti rājabhoggo, rañño angantveva sankhaṃ gacchati.

2 Katamehi pañcahi? Ajjavena, javena, maddavena, khantiyā, soraccena – imehi kho, bhikkhave, pañcahi angehi samannāgato rañño bhadro assājānīyo rājāraho hoti rājabhoggo, rañño angantveva sankhaṃ gacchati. Evamevaṃ kho, bhikkhave, pañcahi dhammehi samannāgato bhikkhu āhuneyyo hoti pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassa.

3 Katamehi pañcahi? Ajjavena, javena, maddavena, khantiyā, soraccena – imehi kho, bhikkhave, pañcahi dhammehi samannāgato bhikkhu āhuneyyo hoti pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassā"ti.

Tatiyaṃ.