1 "Etadaggaṃ, bhikkhave, mama sāvakānaṃ bhikkhūnaṃ sikkhākāmānaṃ yadidaṃ rāhulo. (1)

2 …   Saddhāpabbajitānaṃ yadidaṃ raṭṭhapālo. (2)

3 …   Paṭhamaṃ salākaṃ gaṇhantānaṃ yadidaṃ kuṇḍadhāno. (3)

4 …   Paṭibhānavantānaṃ yadidaṃ vangīso. (4)

5 …   Samantapāsādikānaṃ yadidaṃ upaseno vangantaputto. (5)

6 …   Senāsanapaññāpakānaṃ yadidaṃ dabbo mallaputto. (6)

7 …   Devatānaṃ piyamanāpānaṃ yadidaṃ pilindavaccho. (7)

8 …   Khippābhiññānaṃ yadidaṃ bāhiyo dārucīriyo. (8)

9 …   Cittakathikānaṃ yadidaṃ kumārakassapo. (9)

10 …   Paṭisambhidāpattānaṃ yadidaṃ mahākoṭṭhito"ti. (10)

Vaggo tatiyo.