1 "Etadaggaṃ, bhikkhave, mama sāvakānaṃ bhikkhūnaṃ rattaññūnaṃ yadidaṃ aññāsikoṇḍañño. (1)

2 …   Mahāpaññānaṃ yadidaṃ sāriputto. (2)

---

3 …   Iddhimantānaṃ yadidaṃ mahāmoggallāno. (3)

4 …   Dhutavādānaṃ yadidaṃ mahākassapo. (4)

5 …   Dibbacakkhukānaṃ yadidaṃ anuruddho. (5)

6 …   Uccākulikānaṃ yadidaṃ bhaddiyo kāḷigodhāya putto. (6)

7 …   Mañjussarānaṃ yadidaṃ lakuṇḍaka bhaddiyo. (7)

8 …   Sīhanādikānaṃ yadidaṃ piṇḍolabhāradvājo. (8)

9 …   Dhammakathikānaṃ yadidaṃ puṇṇo mantāṇiputto. (9)

10 …   Sankhittena bhāsitassa vitthārena atthaṃ vibhajantānaṃ yadidaṃ mahākaccāno"ti. (10)

Vaggo paṭhamo.